Tĭng nău mbơh bâh Ủy ban Mặt trận Tổ quốc Việt Nam n’gor Dak Lak, bâh rlău 20 năm leo ƀư, nar tâm rnglăp mpôl rnoi lĕ geh njoat trĕ lam tâm nău rêh nuĭh ƀon lan ta ntŭk.

Đah nău kan đăp mpăn n’hanh mpêt nkrem, săk rnglăy, ăp năm, lĕ rngôch ăp nkual ƀon lan gŭ bâh n’gor lĕ geh ƀư nar tâm mâp. Âk nkual ƀon lan gŭ lĕ geh pă an ngih tâm rnglăp, tât ôp khâl, pă ndơ an ăp rnăk dơi kơl, rnăk ach o, rnê nsơm ăp ntŭk kan, nuĭh kan ntoh lư ta ăp trong kan tâm ntŭk rêh jêng. Mặt trận tổ quốc ăp gâl kan ta Dak Lak lĕ rgŏ jă tâm rgop rlău 280 rmen prăk an ntŭk kan tâm rgop kơl an rnăk ach o, kơl ƀư an bơi tât 5.500 ngih tâm rnglăp n’hanh rlău 2 rbăn nău kan an ƀon lan. Ngăn lah, 2 năm ntoh luh nuh srê Covid-19, n’gor lĕ dơn geh nău kơl kan bâh nău kan njrăng rdâng nuh srê đah lĕ rnoh prăk n’hanh drăp ndơ lah rlău 55,6 rmen prăk.