Nar 28/8, Hội Liên hiệp druh ndăm Việt Nam n’gor Dak Lak kan nsum đah Hội Sinh viên Việt Nam n’gor ƀư bôk nău kan mâp măt n’hanh nkhôm rnê sinh viên rnoi mpôl đê̆ ntoh lư. Năm aơ, 62 sinh viên rnoi mpôl đê̆ n’gor Dak Lak geh nău dơi kơt nti blău, ngăch prăl dôl tĭng nti ta ăp nhih nti Cao đẳng, Đại học tâm lam dak dơi nkhôm rnê. Lah ta rơh lễ, wa Y Biêr Niê, Groi Bí thư Tỉnh ủy Dak Lak hŏ mbah rhơn n’hanh mpơl nău n’hao êng săk rnôk nău dơi kơt nti, tiăr nti bah ăp sinh viên.

Nkre ŭch rŏng, druh ndăm ăp rnoi mpôl đê̆ ta n’gor nsrôih kơt nti tay, tiăr nti nuih n’hâm uĕh, nsing nơm ngăn tâm gung trong rđău kan bah Đảng, trong kơl, pháp luật bah Ngih dak, ntô̆ n’hao nău way ơm tâm rnglăp lam rnoi nuĭh, nsrôih rgop rdâk njêng ƀon tơm, neh dak uĕh ndrŏng. Nkre, ăp gưl ủy Đảng, n’gâng kan, Mặt trận Tổ quốc n’hanh ăp mpôl kan chính trị - rêh jêng kon nuĭh tĭng ƀư jăp, geh nău  tam ăp trong nchrăp, trong kơl bah Đảng, Ngih dak đah nkual rnoi mpôl đê̆ n’hanh mpeh yôk yang, lơn lah ăp trong kơl mpeh ntuh kơl hun hao ntĭm nti, n’hao săk blău tơm nuĭh kan ta ntŭk./.