Mbơh tơih bôk nău kan “Tâm rgop mât rong bê- rgâl mhe nău rêh”, mpôl bu ur doanh nhân n’gor  Đăk Lăk tâm rgop đah mpôl bu ur doanh nhân Việt Nam pă an 100 mblâm bê deh kon an bu ur nuĭh rnoi đê̆ ta Đăk Lăk.

Bôk nău kan ƀư geh 3 rơh, pă an 100 bê deh kon pă an 30 rnăk nuĭh ƀon lan rnoi đê̆ ta ăp ƀon ta n’gor Đăk Lăk. Bôk nău kan mbra kơl prăk tĭng trong tâm pleh manh an ăp rnăk vâl geh săch, geh nău tât râng tâm ton kan đah 3 ding, geh mpôl bu ur doanh nhân n’gor Đăk Lăk, rnăk vâl n’hanh mpôl bu ur ta ntŭk. Ăp rnăk mbra geh dơn 3 mblâm bê me deh kon. rmôt bâh 3 tât 5 rnăk vâl dăch jay mbra geh pă tay du mblâm bê dăm gay ma yơn ntil. Tâm du rơh kơl lah 2 năm, tâm nĕ ăp ding geh tât mbra kơl an ăp rnăk mât rong bê, uănh năl nău geh dơi, lah mô n’hao săk rnglăy rĭ mbra rgâl ndơ̆ bê an rnăk êng rong.