Tĭng nău mbơh bâh wa Y Biêr Niê, groi Bí thư n’gor Ủy, kruanh rnâng kan ntĭm leo 1017 n’gor Dak Lak, nău geh uănh nđôi mhe ngăn an gĭt, lam n’gor hôm nha geh rlău 11.300 rnăk ach o n’hanh dăch ach o ê hŏ geh dơn nău kơl an ndơ tết bâh n’gâng kan ăp gâl.

Nkô̆ nău lah yor ăp nău mpŏng mbơh rnoh ach o, dăch ach o rgâl jêng rnoh rnăk ach o, dăch ach o ta n’gor hao âk lơn đah năm ba năp, tâm rnôk tơm prăk mô geh rgâl. Gay ma mât mô geh nuĭh nklơi tay ba kơi ta rơh tết Quý Mão năm 2023, n’gor ủy Dak Lak lĕ tâm ban ŭch lĕ dăn pă rnoh prăk hôm e rlău 600 rkeh prăk an ăp nkuăl jêr jŏt gay ma kơl an rnăk ach o, dăch ach o. Nkre lah đă ăp ntŭk, n’gâng kan, ntŭk kan n’hao nău kan rgum lĕ rnoh kan ta ntŭk rêh jêng kơl an.