Aơ lah nău kan tâm nău nchrăp hun hao săk nơm yor UBND nkuăl têh Buôn Hồ tâm rgop đah ntŭk kan tâm kơl njrăng rdâng ach o n’hanh ntŭk kan hun hao ntŭk rêh jêng, tâm ton ký pah kan ndrel ta nar 9/2. Tĭng nkô̆ nău tâm ton kan, bâh aƀaơ tât lĕ khay 8/2024, nău nchrăp kan mbra rgum kơl an nuĭh ƀon lan ta 2 xã Ea Drông n’hanh Cư Bao, nkuăl têh Buôn Hồ, n’gor Dak Lak.

Ăp nkô̆ nău kơl dŭt âk lah: N’hao nău dơi pah kan jan sa an ăp rnăk pah kan, ngăn lah bu ur rnoi đê̆ gay ma khân păng geh rnoh pah kan jan sa nâp nâl, rgâl mhe nău dơi geh gĭt đah rnoh prăk n’hanh mât uănh tơm prăk, kơl an, n’hao nău dơi geh gĭt ta ntŭk tăch rgâl ntŭk lăp kan n’hanh ntŭk tăch rgâl an ăp rnăk pah kan. Bâh nĕ kơl rgâl nău rêh an nâp nâl lơn.