“Ăp n’gâng kan ta n’gor, ăp nkuâl ân tĭng ƀư lĕ n’hâm suan ăp trong nkra, droh rklaih jêr jŏt gay ntrôl ngăch n’gluh tơm prăk ntuh kơl tâm ăp khay hôm ƀa ƀă bah năm 2023”, aơ lah ngoăy tâm ăp nkô̆ dơi kruanh rđău kan n’gor Dak Lak lah rjăp ta rơh hop way ăp khay khay 10 ƀư nar ntri (8/11). Tĭng trong nchrăp năm 2023, n’gor Dak Lak mbra n’gluh rlău 5.660 rmen prăk ntuh kơl.

Kơp tât kêng dŭt khay 10, n’gor Dak Lak hŏ n’gluh rlău 2.600 rmen prăk, geh rlău 48% trong nchrăp năm, hao 17% rđĭl đah ndrel khay dja năm bah năp nơh. Tâm nê, tơm prăk ngân sách trung ương geh 42,5% n’hanh n’gor lah 56,8% trong nchrăp. Ta rơh hop, kruanh rđău kan UBND n’gor Dak Lak đă ăp n’gâng kan, UBND ăp nkuâl, thị xã, nkual ƀon têh n’hao dăng pah kan hăn ôp uănh, ban saơ n’hanh nkra ngăch ăp jêr jŏt, kŏ kol an tĭng trong nchrăp, ndơ ƀư. Gay lôch jêh trong nchrăp n’gluh rlău 5.660 rmen prăk ntuh kơl năm aơ. Wa Đinh Xuân Hà, Giám đốc Sở Kế hoạch – Đầu tư n’gor Dak Lak an gĭt, aƀaơ ăp n’gâng kan, tơm nuĭh ntuh kơl bah n’gor dôl tĭng ƀư tay ăp trong ntrôl ngăch n’gluh tơm prăk ntuh kơl./.