Nuĭh geh râng tâm rlong lah cán bộ công chức, viên chức, nuĭh leo kan ăp ntŭk kan, n’gâng kan ta n’gor n’hanh UBND ăp nkuăl, nkuăl têh, UBND ăp xã, phường nkuăl têh n’hanh nuĭh ƀon lan Việt Nam tŏng bâh 18 năm deh let lơ, aƀaơ dôl gŭ rêh, pah kan, nău kan nti ta n’gor Dak Lak.

Nkô̆ nău tâm rlong geh: Nău ntrŭnh, nău kơl bâh Đảng, ngih dak n’hanh n’gor Dak Lak geh tât nău mbơh tơih, ƀư tĭng nău kan rgâl mhe hành chính ngih dak lvang năm 2021-2025, mpŏng uănh tât năm 2030. Wa Bạch Văn Mạnh, Giám đốc ntŭk kan Nội vụ n’gor Dak Lak an gĭt, aơ lah năm tal 2 n’gor Dak Lăk geh ƀư du rơh tâm rlong trực tuyến joi gĭt nău rgâl mhe hành chính gâl n’gor. bâh rơh tâm rlong, mpôl kan cán bộ, công chức mbra lah mpôl kan hăn bôk năp tâm nău joi gĭt, mĭn uănh na nê̆, geh gĭt ăp nkô̆ nău, nău ntrŭnh, ntrŭnh mbơh mpeh rgâl mhe hành chính geh dŏng ta nău pah kan ăp nar an geh săk rnglăy.