Lơ 17/3, Uỷ ban mặt trận Tổ quốc Việt Nam n’gor Dak Lak ƀư tâm nchră rơh rƀŭn, nkoch nau mbơh bah ƀon lan tâm nau nchrăp luật neh ntu (rgâl nkra). Âk nau rgop geh tât nkô̆ nau mpeh nau rgum, nau dŏng neh, nau dơi trok tâm kơl an ntŭk gŭ mhe, nau rklaih neh geh tơm ƀư bah ntŭk tăm bri, tơm si hŏ geh ntoh mbơh. Wa Võ Tấn Tài, rmôt ăp ntŭk kan tâm boh bah n’gor Dak Lak ân lah, ăp nau ntrŭnh rgâl mhe tâm nau nchrăp Luật neh ntu (rgâl nkra) mra geh ƀư ân tâm ban, đăp mpăn geh nau săk tam tâm nau nchrăp dŏng neh.

Êng tâm nkuăl Tây Nguyên, nkuăl neh geh âk nŭih rnoi mpôl đê̆ gŭ rêh, nau rgum ân geh tâm đăp mpăn tâm di đah ntŭk gŭ bah ƀon lan tâm rnôk nau dơi văng sa tăch rgâl. Rgop nau mpeh nau trok tâm, kơl an, ntrơn ntŭk gŭ mhe, ăp ntoh măt ân lah nau nchrăp luật ân geh ƀư kloh lơn ăp nau kan trok tâm, kơl an, ntrơn ntŭk gŭ mhe jêh rnôk Ngih dak sŏk lơi neh “đăp mpăn nau dơi rêh tâm ban mô lah ueh lơn tâm ntŭk gŭ ơm”./.