Tâm 6 khay bôk năm, Hội chữ thập đỏ n’gor Dak Lak bonh đă rgop geh rlau 51,1 rmen prăk gay ƀư nau kan kơl an nau rêh, ƀon lan đah âk nau kan ngăn n’hêl. Ngăn lah, ntrŭnh ƀư nau kan tết kơl an năm 2023, Hội chữ thập đỏ hŏ rgum geh rlau 71 rbăn nklâm ndơ kơl an rnăk ach o, rnăk geh nau rêh jêr jŏt, nŭih geh ntưp dak si khih đioxin, nŭih rven rvo. Ndâk geh 9 ntŭk kơl an, kơl 553 ntŭk mâp nau khuch ndrel âk rbăn tŏ nŭih ach o tâm rnôk khay kơl an.

Mât nâp ăp ngih gâm ndơ sa mô geh roh prăk gay kơl an ân an ăp nŭih ach o tâm ăp ngih dak si. Wa Ayun H’Hương, Kruanh Hội chữ thập đỏ n’gor Dak Lak mbơh, tâm rơh tât, rmôt kan mra lŏ uănh khlay nau kan ntrŭnh ƀư ăp nau kan ndrel ma nau rgŏ jă “ăp ntŭk kan, ăp nŭih geh kơl an du ntŭk jêr”, n’hao nau rgum tu tơm gay ma mât bôk nau kan kơl an tâm ăp nkuăl./.