Tĭng Hội bu ur n’gor Đăk Lăk, tâm ăp năm ba năp, bu ur âk năm deh ta n’gor way geh nsrôih tât râng ăp nău pah kan, rơh rgŏ jă “Nuĭh âk năm deh tâm rlong pah kan wăng sa blău”, rdâk njêng rnăk vâl “5mô, 3kloh” ndrel đah “rdâk njêng rnăk vâl văn hóa, ueh răm, đăp mpăn, gĭt blău”...ăp gâl kan geh âk nău pah kan ntêm êng an bu ur âk năm deh, gay ma mât chăm n’hanh n’hao nău kan bâh bu ur âk năm deh tâm rnăk vâl n’hanh ntŭk rêh jêng, geh âk nuĭh bu ur âk năm deh tât râng. Ta rơh rƀŭn nchră, ăp đại biểu lĕ ndrel tâm nđur, tâm mbơh trong kan ueh, săk rnglăy tâm rgop mbơh tơih rơh rgŏ jă rdâk njêng rnăk vâl 5 mô 3 kloh ndrel đah nău kan “Săk ranh nău kan ntoh ang” n’hanh rdâk njêng nkual ƀon lan mhe ta ăp ntŭk ƀon lan gŭ. Di rơh aơ, rnâng kan leo kan lĕ rnê, nkhôm 30 nuĭh kan bu ur âk năm deh geh nău dơi ntoh lư, gĭt blău tâm ăp nău pah kan jan sa.