Ôi ntri (14/12), Tỉnh uỷ Dak Nông ƀư tâm nchră n’glôch jêh 10 năm tĭng ƀư đề án mpeh rdâk njêng mpôl kan n’gâng tơm tâm nkual rnoi mpôl đê̆ n’hanh mpư rnê ăp nuĭh ntoh lư. Gay lor nchrăp nkra ăp nkô̆ nău duh jêr ntoh bah tâm dâng, nar 15/11/2013, Tỉnh uỷ Dak Nông hŏ n’gluh an dŏng đề án 05 mpeh rdâk njêng mpôl kan n’gâng tơm tâm nkual rnoi mpôl đê̆.

Đề án gay năl dơi mpôl kan n’gâng tơm lah ăp nuĭh geh nău kan khlay đah mpôl kan chính trị, nsum mpôl ƀon lan n’hanh lam rêh jêng kon nuĭh. Âk nău tâm rkeh, nău tâm pit dơi nkra ntơm bah tâm dâng nơm geh đề án dja. Nkre, ăp  nuĭh dja hŏ nsrôih râng rdâk njêng ăp trong leo tâm rlong rŏng dak, ăp rơh rgŏ jă ta ntŭk kơt lam ƀon lan tâm rnglăp rdâk njêng ƀon lan mhe, n’hŭch ach o jŏ jong. Ta ta rnôk n’glôch jêh 10 năm mpeh rdâk njêng mpôl kan n’gâng tơm, Tỉnh uỷ Dak Nông hŏ mpư rnê 250 nuĭh ntoh lư./.