Âk ntŭk ƀư, trong nchrăp kan ta n’gor Dak Nông dôl mô dơi an ƀư, nău n’gluh tơm prăk ntuh kơl bah n’gor năm aơ nklăp mô dơi ƀư lôch jêh tă bah kol dăp rgum bô xít. Tĭng nău mbơh bah Sở Kế hoạch n’hanh Đầu tư Dak Nông, kơp tât aƀaơ, lam n’gor mhe n’gluh geh 1.350 rmen prăk ntuh kơl dơm, geh 34,5% trong nchrăp, đêt rlău 7% rđĭl đah ndrel khay dja năm e nơh.

Kol tâm trong đă ntrơn du, kol mpeh dăp rgum tơm neh dŏng an tuh, bôr, n’hanh tâm rdăp dăp rgum bô xít lah ăp  nkô̆ tơm ƀư jêng tât n’gluh tơm prăk ntuh kơl ta Dak Nông geh đêt. Tâm nê, khuch dŭt hô lah tă bah kol ntŭk dăp rgum bô xít. Wa Trần Đình Ninh, Giám đốc Sở Kế hoạch n’hanh Đầu tư Dak Nông an gĭt, geh âk nău kol mpeh dăp rgum n’hanh ăp quy định geh tât ƀư âk ntŭk ƀư geh kol. N’gor hŏ âk tơ̆ dăn đă trung ương droh rklaih  jêr jŏt, kŏ kol geh tât dăp rgum bô xít yơn tât aƀaơ mô hŏ dơi nkra, nău n’gluh tơm prăk ntuh kơl năm aơ bah n’gor dŭt jêr ma dơi lôch jêh./.