Xã Tu Mơ Rông (n’gor Quảng Ngãi) geh ndâk tâm nau rnglăp rmôt kan hành chính bah 2 xã Tu Mơ Rông ndrel Đăk Hà (n’gor Kon Tum ơm). Rnôk aơ geh tay 17 thôn, rnoh nŭih bơi tât 6.500 nŭih. Đảng bộ xã geh 25 chi bộ đah rlau 300 đảng viên. Jêh n’gâng kan 2 gưl ƀư kan, Đảng bộ xã ƀư mâp măt cán bộ, công chức, viên chức đah 2 nau kan tơm geh ndŏ luh ‘Đăp mpăn nau mĭn, ƀư kan-Ƀư tĭng ueh nuih n’hâm tâm rnglăp” ndrel “N’hao nau nâp nau ƀư kan kơl an ƀon lan-Ntrŭt dăng rgâl nau kan hành chính”.

Nkre lah, Đảng uỷ xã kŏ ndal nchrăp ƀư Đại hội gưl 18 năm kan 2025-2030 gay njêng nau rgâl mhe tâm hun hao văng sa, rêh jêng. Wa Võ Trung Mạnh, Bí thư Đảng uỷ xã Tu Mơ Rông, mbơh:

‘Xã mhe năl nau kan hun hao ntŭk ntu, nau kan gay ma vơt năch tât pâl uănh mir sâm Ngọc Linh, jêh ri ƀư ăp rơh tăch sâm. Xã kŏ năl nau mĭn gay ma hun hao pâl n’aih tâm n’gor, hun hao nau kan pâl n’aih tâm ntŭk tâm xã Đăk Chum 1. Xã kŏ năl nau hun hao tơm dak si lah nau kan tơm. Êng sâm Ngọc Linh mra hun hao ăp ntil sâm êng gay ƀư nau dăng gay tâm ntit, nkre tâm nau nê đăp mpăn nau dơi săk ntơ sâm Ngọc Linh tâm n’gor”.

Ndrel ma nau kan ƀư n’ho ro bah n’gâng kan, ăp xã nkuăl prệh n’gor Quảng Ngãi dôl ntoh nuih n’hâm ƀư lor, ndal nchrăp ân ueh Đại hội Đảng bộ năm kan mhe 2025-2030, tĭng tâm di nuih n’hâm rđau kan bah Tổng Bí thư Tô Lâm rnôk geh rơh hăn khâl ndrel pah kan tâm n’gor. Nê lah ƀư rjăp nau rđau mrô 45l ndâk ăp nau mbơh chính trị đah nau ngăn jêh rnôk rnglăp, geh nau ueh, nau rƀŏng uănh kloh, năl dơi ăp nau mhe, nau kan tơm ndrel geh nkô̆ nau hun hao n’hêl.

Wa Nguyễn Đức Tuy, Groi Kruanh n’gor uỷ, Kruanh HĐND n’gor Quảng Ngãi, mbơh:

‘Nau mbơh chính trị ntoh nuih n’hâm rgâl mhe, nsôih gay ntrŭnh ƀư nau kan tâm rơh tât. Ntŭk ƀư hun hao têh ri ma nau dơi bah xã rnôk aơ lah ân ƀư dơi nau kan têh lơn. Gĭt kloh moh nkuăl moh nau dăng ri nơm ân geh ntrơn ƀư tâm nau mbơh chính trị gay hăn ân tâm di trong gay hun hao ndrel n’hao nau rêh drăp ndơ ndrel nuih n’hâm ân ƀon lan, ngăn lah nkuăl rnoi mpôl đê̆”.

Đại hội Đảng bộ ăp xã nkuăl yôk n’gor Kon Tum tâm n’gor Quảng Ngãi mra lah rnôk gay ăp nkuăl uănh kloh nau dơi hun hao, săch trong rgâl, ueh ueh n’hâm dăng geh dơi bah nkuăl nơm gay ƀư ân ngăn nkô̆ nau hun hao ngăch, nâp nâl tâm rnôk mhe./.