Groi Thủ tướng rnâng kan Chính phủ Nguyễn Hòa Bình, kruanh Hội đồng mbơh nău an m’ơk lor nuĭh gŭ ndrung năm 2025 mhe geh ƀư uănh năl săm ƀŭt, rnoh nuĭh gŭ ndrung tŏng nău đă m’ơk sĭt rơh 2, di rơh kahgĭt 80 năm Quốc khánh lơ 2/9. Ƀư tĭng Nău ntrŭnh bâh Kruanh dak, tâm ba năp nơh, ăp rmôt kan uănh năl ăp n’gâng kan lĕ uănh nđôi, uănh năl rlău 10 rbăn hồ sơ nuĭh tih gŭr ndrung ta ăp ngih krŭng ta lam dak. Nău uănh năl an geh mât đăp mpăn na nê̆, kloh rjăp, tâm di, di pháp luật, geh nău uănh năl bâh ăp ntŭk kan rêh jêng n’hanh ƀon lan. Groi Thủ tướng lah na nê̆, m’ơk an sĭt lor lah nău ntrŭnh kan têh, mpơl nău tâm kơl kan tâm rŏng bâh Đảng n’hanh Ngih dak gay ma n’hao ueh nuih n’hâm nuĭh tih an geh rgâl nău mĭn, rêh ueh, ơm lăp tay ta ntŭk rêh jêng, lôch geh uănh năl, Hội đồng mbra geh ndŏ an Kruanh dak ntrŭnh, tĭng nău nchrăp, lơ 29/8, mbơh nău ntrŭnh n’hanh lơ 1/9 mbra geh m’ơk sĭt ăp nuĭh geh kơl ta ăp ngih krŭng.