Nthoi tay rơh rƀŭn 48, kêng măng (12/8), Ủy ban Thường vụ Quốc hội an rgop nău djăt rblang Dự thảo Luật Nău ƀư groi nđôi bah Quốc hội n’hanh HĐND nkra rgâl. Dự thảo Luật Nău ƀư groi nđôi bah Quốc hội n’hanh HĐND nkra rgâl lĕ dơi nkra lĕ rngôch, ntrŭnh kloh lơn nău dơi, lĕ đah nău kan bah tĭng tơm nău groi nđôi.

Tĭng nĕ, luật nkra rgâl ntrŭnh mpeh groi nđôi bôk nău bah Quốc hội, HĐND tĭng trong: Quốc hội, HĐND mô na nê̆ ƀư Mpôl groi nđôi bôk nău. Ntoh ngơi ta rơh rƀŭn, Kruanh Quốc hội Trần Thanh Mẫn mĭn lah, nău rƀŏng groi nđôi lôch jêh nău kơl pháp luật, tŏng ăp luật, kỷ cương n’hanh n’hao săk rnglăy nău kan bah n’gâng kan ngih dak. Nkre lah rjăp an tâm pă kloh nău dơi groi nđôi đah Quốc hội n’hanh HĐND kơt đah ăp gưl n’gâng kan ƀon lan, gay dêr âk mpưm n’hanh đăp mpăn săk rnglăy.