Nkah nau mbơh bah wa Trần Việt Hoà, Kruanh n’gâng kan rđau pă Điện lực, Bộ công thương tâm rơh rƀŭn mbơh nau pă điện yor Bộ công thương ƀư tơm lơ 7/6/2023 rnôk geh nau mô tŏng điện tâm rnôk yan vai dŭt khay 5, bôk khay 6 tâm nkuăl mpeh ba lơ, ƀư tât nau koh điện tâm pleh tâm âk ntŭk:

            ‘Bol ma hŏ nsôih gay đăp mpăn pă điện, yơn nau geh motŏng điện gay ma pă ân nau hun hao văng sa, rêh jêng lah nau kan mô dơi geh nklă. Hên njoăl nau dăn yŭ yai tât ƀon lan, ntŭk ƀư kan tăch rgâl, ndrel du tŏ tay đŏng đă ăp phóng viên, báo, ntŭk nkoch mbơh nau mbơh ăp nau mbơh têm nkrem điện gay nơm ndrel nsum ty, gay geh nau kan rlet rlau rnôk jêr aơ”.

            Nau ngăn mô tŏng điện hŏ lơh khuch ngăn tât nau kan ê nkra, tăch rgala bah ntŭk kan ndrel nau rêh bah nơm. Tâm rnôk mô tŏng điện tâm mpeh ba lơ, rlau 4000 MW điện sial tâm nkuăl miền Trung, Tây Nguyên ndrel Nam bộ hŏ ƀư jêh yơn mô geh rnglăp ma trong điện, tâm nê nau pă điện ndrel mô tŏng trong kan pháp lý bah ăp nau kan. Jêh ăp nau tât aơ, ntŭk mât kan ngih dak lah rjăp: Mra mĭn, nchrăp ndâk ăp nau kan ân ueh gay ma rdâng đah nau jêr tât nau pă điện tay huch nau khuch ân nŭih ƀon lan ndrel ntŭk kan.

            Âk nau rđau nchră luh bah ăp nau mbơh, rđau tă bah Chính phủ, Thủ tướng Chính phủ tât ăp gưl, n’gâng kan, ntŭk kan, đă tâm ăp nau tât mô ân geh dơi nau roh điện, roh ŭnh nar, hŏ geh mbơh tâm dŭt năm 2023, ngăn lah nau rgum ăp mpeh ŭnh nar neh dak, nau rgum hun hao điện lực neh dak ndrel nau rgum mpeh têm, pă dak pring xăng, ndơ su lvang năm 2021-2030, rƀŏng tât năm 2050 hŏ geh Thủ tướng ân ƀư tâm ăp khay 5,6,7 mhe nơh. Nau kan ndŏ luh lah mhâm ƀư ân geh ngăn ăp nau kan hŏ geh ndŏ luh tâm ăp nau ntrŭnh aơ, gay đăp mpăn tŏng ŭnh nar, Tiến sĩ Nguyễn Anh Tuấn, tâm Hội đồng Khoa học Tạp chí Năng lượng Việt Nam kơp dơn, tâm nau bah năp măt ndrel jŏ jong ân geh ƀư têm nkrem geh nsum ma nau ntuh kơl điện mhe:

            ‘Năm 2023-2024 lah bri duh nar mro kơt tâm khay 5 khay 6 mhe nơh ri ngăn lah mpeh ba lơ lŏ mô tŏng ma mô geh ntrong gay ma rdâng. Rnôk aơ knŭng hôm nau têm nkrem điện, dŏng đê̆ dơm. Chính phủ, ăp ntŭk kan, n’gâng kan geh tât ân geh ƀư ân rjăp, mô tâm ntrôl nau kan, ngăn lah ăp ntŭk kan geh tât”.

            Mro geh tâm nchră tâm ndrel bah dih dak mpeh ŭnh nar, tâm nê hun hao ŭnh nar ndâk mhe, jêh ri dŏng điện têm nkrem ndrel săk tam geh âk tâm năm 2023. Âk nau đă mbơh, ndrel nau ma nau đă ndrih, kloh, ntrơn rgâl ŭnh nar tâm ban. Nŭih nchră kan văng sa, Tiến sĩ Võ Trí Thành kơp dơn: tơm prăk-kon nŭih-công nghệ ndrel nŭih kan-nau ntrŭnh lah nkô̆ nau tơm ân geh ơm doh rklaih gay geh dŏng tơm prăk ntuh kơl bah êng nŭih ân hun hao ŭnh nar, yor ăp năm Việt Nam ân ntop đê̆ ngăn 14-16 rmen đôla gay ƀư nau rgum điện 8 tĭng di nau nchrăp.

            Bah năp măt, gay đăp mpăn điện năm 2024, N’gâng kan Bộ công thương Nguyễn Hồng Diên đă ăp rmôt ân geh ƀư ueh 2 nau kan, đăp mpăn pă ndơ dŏng ndrel têm điện ndrel uănh aơ lah bar nau kan đăp mpăn điện tâm năm 2024:

            ‘Tĭng nau rđau mrô 29/TTg bah Thủ tướng Chính phủ ri ăp ngih máy ân geh đăp mpăn nau pă ndơ dŏng ân nau kan bah ngih máy điện. Ndri ndrel ân geh ƀư tĭng nau ntrŭnh mrô 20 bah Thủ tướng mpeh nau n’hao nau têm nktem ân lvang năm 2023-2025. Gâp nkoch lah nau kan ân têm nkrem điện kŏ lah nau ueh ngăn ŭch ngăn, kơp n’ăp ma ăp dak ndrŏng bu kŏ têm nkrem. Nơm dŏng điện mpŭng âk ngăn. Yor rnoh điện dêh, yor nau rđau đă têm nkrem điện nơm păng ê geh jru ngăn ân tât ăp nŭih dŏng điện ri ma ƀư mpŭng lir âk ngăn. Rđau đă mrô 20 bah Thủ tướng hŏ nkah kloh hôm, nơm ân geh ƀư ân kloh”./.