Tât rnôk aơ, N’gâng kan ntŭk ntu gŭ âm hŏ ƀư tơm nar nau nchrăp săch 6 nau ntrŭnh ndrel 4 Thông tư, tâm nê, đah nau ntrŭnh n’hêl nau ƀư du đê̆ điều bah Luật neh ntu geh 10 Chương, 115 Điều ntrŭnh n’hêl 51 nkô̆ nau geh tâm Luật, rgum tâm nau ntrŭnh, kơt: nau kan, nau dơi, ndâk ƀư, nkra tay trong kan bah ăp ntŭk kan đăng kí neh ntu, ƀư nau hun hao rnoh neh, rgum, nchrăp nau dŏng neh, hun hao, mât, dŏng ƀư rnoh neh; jao neh, ân manh, ntrơn rgâl nkô̆ dŏng neh; rklaih nau tâm in pit, rklaih nau tih pháp luật mpeh neh ntu đah nŭih geh nau tih pháp luật mpeh ntu ntu rnôk ƀư nau kan mpeh neh ntu. Kruanh n’gâng kan ntŭk ntu gŭ âm Lê Minh Ngân, mbơh:

            ‘N’gâng kan ntŭk ntu gŭ âm hŏ sŏk nau rgop bah ăp ntŭk kan, n’gâng kan geh tât bah 63 n’gor, nkual ƀon têh tâm Trung ương, nchră luh tâm 4 rơh rƀŭn tâm ăp nkuăl, sŏk nau rgop ma nau ntrŭnh tâm ăp n’gâng kan, ntŭk kan bah nkual, rmôt kan geh tât djăt nau mbơh ăp rgop ndrel mbơh ân n’gâng kan Tư pháp uănh năl. Nchrăp lơ 19/4/2024 rmôt kan uănh năl mra rƀŭn nchră mpeh ăp nau ntrŭnh aơ”.

            Tâm rơh rƀŭn, rđau kan n’gâng kan tuch tăm ndrel hun hao ƀon lan mbơh: Geh âk nkô̆ nau mhe, nau kan ntoh luh tâm rnôk rgâl nkra, ntop tay nau ntrŭnh mrô 156 bah Chính phủ ntrŭnh ngăn mpeh du đê̆ điều bah Luật Lâm nghiệp, kŏ kơt lah ndâk nau ntrŭnh ngăn mpeh neh tăm ba. N’gâng kan tuch tăm ndrel hun hao ƀon lan dôl ntơm ƀư sŏk nau rgop mpeh nau nchrăp bah 2 nau ntrŭnh aơ tĭng nau đă dơi.

            Nchră tât N’gâng kan ntŭk ntu gŭ âm hŏ geh ƀư nau nchrăp, năn tâm di nau rđau bah Chính phủ, Groi Thủ tướng Trần Hồng Hà lah rjăp: ân geh ƀư kloh ăp nau kan hôm êng êng mpeh nau kan, nŭih, nau kơl an ƀư...; ndal sŏk nau rgop bah nkuăl, ntŭk kan, ntŭk ƀư, rmôt kơl an chính trị, rêh jêng...đah nau ntrŭnh mpeh nau trok tâm, kơl an, ndâk ntŭk gŭ mhe, năl rnoh neh, ndâk, ntrŭnh ân tĭng nau dơi rhuăt gleh mpeh nau ntrŭnh mpeh nau mhal prăk tâm nau kan neh tu...Groi Thủ tướng đă: N’gâng kan tuch tăm ndrel hun hao đăp ăpn ân geh dơi ngăn nau nchrăp nau ntrŭnh mpeh neh tăm ba tâm di nar nchrăp, ntrŭnh mbơh nuih n’hâm pă gưl, pă nau dơi, rgâl mhe hành chính, mbơh luh ăp nau dơi, nau geh mêt uănh, nchră nau ƀư ăp nau ntrŭnh mpeh neh tăm bri, neh tăm ba:

            “Ân geh ƀư ăp nau dơi tŏng đăp mpăn ăp nau ntrŭnh ăp ntil, tŏng ăp nau ntrŭnh bah Luật neh ntu, đăp mpăn tâm di đah hiến pháp, pháp luật, tâm ban bah pháp luật, nau ntrŭnh mô dơi tih ma Luật. Đă ăp đồng chí ƀư nau pă nau dơi ƀư nau kan ân rjăp, hăn nsum ma ăp nau tŏng geh, nkô̆ nau gay nkual ƀư ndrel kŏ lah rnôk gay nơm mêt uănh nau kan”.

            Groi Thủ tướng đă N’gâng kan Tư pháp, N’gâng kan ntŭk ntu gŭ âm tâm rgop nsum, ndal nchrăp săm ƀŭt, nau ƀư kan gay mbơh Quốc hội ntrŭnh ân dơi Luật neh ntu năm 2024 geh nau tam ƀư ngăn tâm lơ 1/7/2024. N’gâng kan ndâk nkra ndal ndâk ăp nau ntrŭnh ngăn n’hêl ntrŭnh ƀư Luật neh gŭ tâm năm 2023 ndrel Luật ƀư nau kan tăch rgâl neh ntu năm 2023 gay ma năn geh nau tam tâm ban đah Luật neh ntu năm 2024 tâm lơ 1/7/2024./.