Rơh ôp dŭt hô đah nău ôp bah ĐBQH hăn sŏng tâm ăp naư mô hŏ dơi ƀư, jêr jŏt ƀư tĭng 3 bôk nău kan rƀŏng tĭng lam dak mpeh ndâk njêng thôn ƀon mhe; hun hao wăng sa-rêh jêng nkual rnoi mpôl đêt n’hanh nkual yôk; jŭt n’hŭch ach o nâp nâl.

Kruanh N’gâng kan, Chủ nhiệm Ủy ban Dân tộc Hầu A Lềnh an gĭt: jêr jŏt ngăn aƀaơ lah bôk nău kan rƀŏng tĭng lam dak mpeh hun hao wăng sa-rêh jêng nkual rnoi mpôl đêt n’hanh nkual yôk. Âk nău ntrŭnh, nău kơl geh tât nkual rnoi mpôl đêt an dơi joi n’hanh ntop nkra tâm di đah nău ngăn. Tât nar 30/6 tât lĕ 15 n’gâng kan, nău kan dơi jao nău kan lĕ mkra n’hanh geh sam ƀŭt ơh, ntĭm an ăp ntŭk dơi mkra geh 121 jêr jŏt, wăk kol.