Ôi ntri (24/10), ta Bộ Chỉ huy Quân sự n’gor Kon Tum, Ban Rđău đă 515 n’gor Kon Tum ƀư luh hăn an Đội K53 hăn pah kan joi, rgum nsĭt nting tahen ơm khĭt n’hanh nuĭh rnâng kan Việt Nam khĭt tâm ăp rơh tâm lơh ta dak Lào n’hanh Campuchia.

Tâm khay wai năm 2023- 2024, Đội K53 n’gor Kon Tum đah 67 cán bộ, tahen mbra tĭng ƀư nău kan joi, rgum nsĭt nting tahen ơm khĭt n’hanh nuĭh rnâng kan Việt Nam khĭt tâm ăp rơh tâm lơh ta 3 n’gor: Attapư, Sê Kông, Chămpasắc, dak Lào n’hanh n’gor Rattanakiri, dak Campuchia. Lah ta rơh Lễ luh hăn an Đội K53 hăn pah kan, wa bu ur Y Ngọc, Groi kruanh UBND n’gor, Kruanh Ban rđău đă 515 n’gor Kon Tum lah rjăp, aơ lah nău dơn kan jêr jŏt yơn dŭt n’hâm têh khlay; mpơl nuih n’hâm nkah gĭt bah ăp gưl n’gâng kan n’hanh ƀon lan ăp rnoi nuĭh n’gor Kon Tum đah ăp tahen ơm khĭt hŏ tâm lơh n’hanh dăng janh yor ma nău dơn kan dak bah dih têh khlay./.