Lơ 1/3, rmôt druh ndăm xung phong ơm n’gor Dak Lak ƀư Đại hội ntoh măt tal 4, năm kan 2022-2027. Năm kan rlau aơ, Rmôt tahen xung phong ơm bah ăp gưl tâm n’gor Dak Lak hŏ nsôih ntrŭt dăng nau kan kơl an tahen nơm. Tâm 5 năm bonh đă hŏ geh nau rgop rlau 9 rmen 2000 rkeh. Ntơm bah tơm prăk aơ hŏ kơl an ndâk mhe ndrel nkra bơi tât 140 ngih kơl an, pă 171 săm ƀŭt têm prăk, pă ma rbăn nklâm ndơ ân nŭih geh nau rêh jêr jŏt.

Tahen xung phong ơm bah ăp nkuăl râng nau rgop ndâk njêng tơm prăk tâm kơl bah tahen mpeh tâm dâng, đah rnoh rlau 4 rmen 300 rkeh, kơl an ân âk rnăk nŭih tahen xung phong ơm geh tơm prăk gay ƀư nau kan văng sa, rklaih ach o nâp nâl. Tâm năm kan mhe, nau kan bah Hội lŏ rgum tâm nau rklaih nau kan kơl an ân druh ndăm xung phong, ntrŭt dăng ndrel n’hao nau săk tam bah druh ndăm xung phong ƀư pah kan jan sa blau ndrel nau kan Yor nau tâm kơl bah tahen nơm-ăp nŭih ndrel ƀư nau kan ueh./.