Ăp gâl kan n’gâng kan ta n’gor Gia Lai dôl n’hao nău mbơh tơih mpeh nău kơl bảo hiểm, nsrôih tât dŭt năm 2023 rnoh dŏng bảo hiểm y tế geh klâp ma 90% rnoh nuĭh. Tĭng nău mbơh bâh Bảo hiểm xã hội n’gor Gia Lai, kơp tât khay 7 năm 2023, lam n’gor Gia Lai geh klâp ma 1 rkeh 290 rbăn nuĭh (geh 90% rnoh nuĭh) dŏng bảo hiểm y tế, hao rlău 5% đah khay aơ năm e nơh. Tâm nĕ, rnoh nuiđh ƀon lan rnoi đê̆ tât dŏng bảo hiểm y tế geh rlău 75%.

Gay ma n’hao nău dơi rnoh nuĭh geh mât săk soan, HĐND n’gor Gia Lai lĕ ntrŭnh Nghị quyết mbrô 48 mpeh rnoh kơl bảo hiểm y tế an du đê̆ nuĭh ta n’gor lvang năm 2023-2025. Tĭng nĕ, bâh bôk năm tât aƀaơ, n’gor Gia Lai geh rlău 170 rbăn nuĭh n’hanh kon hoc rnoi đê̆ geh kơl prăk dŏng bảo hiểm y tế. Nkre lah, ăp gâl kan, ăp n’gâng kan n’hao nău mbơh tơih tât ăp nkual njônh ngai, nkual rnoi đê̆ gay ma ƀon lan gĭt na nê̆ mpeh nău dơi geh rnôk tât dŏng bảo hiểm y tế.