Ôi 22/11, Ban rđău đă 515 n’gor Gia Lai hŏ ƀư luh hăn joi, rgum nsĭt nting tahen ơm n’hanh nuĭh rnâng kan Việt Nam khĭt tâm ăp rơh tâm lơh tâm su ta Campuchia. Ta rơh luh hăn joi, kruanh n’gor Gia Lai ndrel kruanh rđău kan Bộ chỉ huy Quân sự n’gor Gia Lai hŏ njuăl nău ôp khâl, rgŏ jă ăp tahen hăn pah kan rơh dja.

Lam đội K52 ân rƀah gĭt ăp quy định mpeh tâm boh dak bah dih, tĭng jăp nău way tahen, ăp quy định bah Bộ Quốc phòng, bah Quân khu tâm boh dak bah dih. Rƀah gĭt nău lư ta ntŭk, ăp nău lư mpeh môch tahen ơm khĭt ta ntŭk hăn joi, tŏng ăp nău lư dơi ntrŏng năl di na nê̆. Aơ lah tâl 23 Đội K52 hăn pah kan mpeh dak băl Campuchia. Tât aƀaơ, Đội K52 hŏ joi, rgum nsĭt n’hanh mplơ̆ ƀon tơm 1.468 nting tahen ơm, nuĭh rnâng kan ŭch hăn kơl êng Việt Nam khĭt tâm ăp rơh tâm lơh tâm su ta Campuchia.