Lôch 3 khay bôk năm 2024, n’gor Gia Lai mhe knŭng leo dŏng geh 5,1% nau nchrăp tơm prăk ntuh kơl nsum. Aơ lah du nkô̆ nau khlay geh mbơh tâm rơh rƀŭn trực tuyến nchră nau kan văng sa, rêh jêng yor UBND n’gor Gia Lai ƀư.

Ăp khay rlau aơ, Gia Lai lŏ mâp âk nau jêr tâm nau pă tơm prăk ntuh kơl nsum. Rnoh nchrăp tơm prăk năm 2024 lah rlau 3.800 rmen, kơp tât 26/3/2024 n’gor mơ knŭng geh dŏng dơi 196,9 rmen, geh 5,1% nau nchrăp. Tâm nê, tơm prăk ân 3 bôk nau kan nkô̆ nau bah neh dak leo dŏng dêh, đah 3,3%.

Aơ lah năm tal 2 mro, Gia Lai mbrơi leo dŏng tơm prăk nsum tă bah bôk năm. Năm e, n’gor aơ leo dŏng tơm prăk ntuh kơl nsum knŭng geh rlau 70% nau nchrăp. UBND n’gor Gia Lai ndŏ nkô̆ nau, đah âk nau kan, nau ƀư trok dŏng tơm prăk ntuh kơl nsum năm 2024 ân geh đê̆ ngăn lah 95%. Wa Nguyễn Tuấn Anh, Groi Kruanh UBND n’gor Gia Lai đă, ân n’hao lơn nau kan tâm ban ndrel ndâk rmôt ƀư nau kan gay ma doh rklaih nau jêr tâm rnôk nau leo sŏk dŏng tơm prăk ân ăp nau kan, ntŭk kan./.