Tâm rnoh 22 ntĭng tahen khĭt geh joi saơ, leo sĭt ta khay wai năm 2022-2023, geh 8 nting tahen geh saơ ta n’gor Stung Treng. Ta Ratanakiri n’hanh Preh Vihear, ăp n’gor geh saơ 7 nting tahen khĭt.

Tât aƀaơ, Đội K52 Gia Lai lĕ joi saơ, rgum joi n’hanh leo sĭt geh 1.468 nting tahen tâm lơh, tahen kơl kan n’hanh nuĭh way kan việt Nam khĭt ta ăp rơh tâm lơh tâm su. Ta rơh aơ, nuĭh leo kan n’gor Gia Lai, ăp rnâng kan, n’gâng kan, mpôl kan, ndơn kan bâh ăp nuĭh ƀon lan, mpôl tahen n’gor Gia Lai lĕ dŭt rhơn geh vơt tahen khĭt tâm lơh kăl e plơ̆ sĭt dak nơm. Tâm nău rngot klâng, ăp đại biểu lĕ n’hơr kao, su nhang, mpơl nău lah ueh dŭt n’hâm bâh ƀon lan Việt Nam đah ăp nuĭh kon têh kuăng bâh neh dak lĕ têh dăng tâm lơh n’hanh khĭt yor nău đăp mpăn bâh 2 mpôl rnoi Việt Nam - Campuchia.