Gay dơi geh nău ŭch tât năm 2025, rlău 90% nuĭh bah 15 let lơ blău răk, blău nchih nău yoăn, n’gor Gia Lai dôl ƀư tâm ban ăp trong, tâm nĕ geh nău ntĭm răk n’hanh nchih an nuĭh ƀon lan nkual rnoi mpôl đêt, dŭt âk ƀon lan geh bơi n’gul rnoh nuĭh lam n’gor. Tĭng trong nchrăp ƀư tĭng bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk lvang 1 (2021-2025), n’gor Gia Lai ƀư 735 jrô ntĭm răk-nchih an bơi 23.500 nuĭh ta 176 xă.

Êng tâm năm aơ, N’gâng kan ntĭm nti n’gor Gia Lai mbra tâm rgop đah Ban Dân tộc n’hanh ăp ntŭk kan geh tât tâm ôp đah UBND n’gor mbơh tâm pă prăk đah ăp ntŭk gay pơk 217 jrô an rlău 650 nuĭh. N’gâng kan ntĭm nti n’gor Gia Lai, an gĭt: Aơ lah bôk nău kan nsĭt tay an nuĭh rnoi mpôl đêt lah nsum n’hanh Gia Lai lah êng dơi n’hao nău gĭt blău gay bah nĕ rklaih ach o, n’hao uĕh nău rêh bah nơm.