Tĭng Bảo hiểm Xã hội n’gor Gia Lai, aƀaơ lam n’gor geh rlău 2300 đơn vị mbrơi ndơ̆ prăk bảo hiểm an nuĭh kan đah rnoh prăk hao tât 146 rmen prăk.

Tâm rnoh ăp doanh nghiệp mbrơi n’hanh rnon bảo hiểm xã hội ta Gia Lai, geh 15 doanh nghiệp Ngih dak, rnoh prăk mbrơi ndơ̆ 12 rmen prăk; 1071 doanh nghiệp bah dih ngih dak rnoh prăk mbơi ndơ̆ 48 rmen prăk, 167 đơn vị rnoh Bảo hiểm Xã hội geh tơm nuĭh hŏ nchuăt du, rlu kan, đah rnoh prăk rnon 17 rmen prăk. Wa Trần Ngọc Tuấn, Groi Giám đốc Bảo hiểm Xã hội n’gor Gia Lai an gĭt, nău mbrơi ndơ̆ ăp ntil bảo hiểm an nuĭh kan ta Gia Lai, lơn âk tă bah ăp doanh nghiệp mâp jêr jŏt. Ndrel đah nău njuăl nău mbơh ntrŭt ntrôl tât ăp đơn vị mbrơi ndơ̆, nhih pah kan bảo hiểm mbra dŏng âk trong nkra gay đăp mpăn nău dơi an nuĭh kan.