Nar 18/8, Groi Kruanh dak Võ Thị Ánh Xuân lĕ geh rơh pah kan ta Bình Phước đah âk nău ƀư geh nkô̆ khlay mât uănh nuĭh dơi kơl. Mpôl pah kan lĕ tât su nhang, an nkao nkah gĭt ta Nkual di tích lịch sử ngih dak N’gâng kan ntĭm rđău nkual Tà Thiết ta nkuăl Lộc Ninh. Jêh nĕ, Mpôl kan tât chop khâl, an ndơ rnăk dơi kơl n’hanh kon hŏk jêr jŏt ta nkuăl Lộc Ninh.

Mpôl kan lĕ an 30 nklâm ndơ an rnăk dơi kơl, 30 nklâm ndơ an kon hŏk jêr jŏt geh dơi nti nsơm uĕh, 2 rnăk dơi kan pah kan công an. Ta nar an ndơ, Groi Kruanh dak Võ Thị Ánh Xuân nkoch ăp nău jêr jŏt n’hanh rnê rhơn ăp rnăk dơi kơl, rnăk geh soan đah cách mạng lĕ nsrôih hao, rgop ndâk njêng neh dak. Nkre ntrŭt nsôr ăp mon kon hŏk rlet rlău jêr jŏt, tiăr nti uĕh geh săk rnglăy âk. Jêh nĕ tay, Groi Kruanh dak Võ Thị Ánh Xuân lĕ tât khâl, ntrŭt đă cán bộ, tahen Pôih tahen n’har bri mpông n’har bri Hoàng Diệu, ta nkuăl Bù Đốp.