Lơ 7/6, Groi Kruanh dak Võ Thị Ánh Xuân hŏ mâp măt rmôt kan ntoh măt râng Trại hè “Kao hướng dương” năm 2023. Aơ lah ăp nŭih me kon ntoh lư tă bah 39 n’gor, nkuăl ƀon têh tâm rmôt bah bôk nau kan “Me mât bôk” yor Trung ương Rmôt bu ur Việt Nam rgŏ jă. Jêh bơi tât 2 năm ƀư, bôk nau kan geh rlau 32 rbăn nŭih me mât bôk, rgum geh rlau 115 rmen gay ma kơl an mât chăm ân 19.760 kon se rêh kon đơi, tâm nê, geh rlau 3 rbăn kon se rêh kon đơi yor srê Covid-19.

Groi Kruanh dak lah rjăp, bôk nau kan hŏ ngăn ngên jêng ntŭk nsing gay ma rêng nau ŭch rŏng ân kon se rêh kon đơi tâm lam neh dak. Groi Kruanh dak đă rmôt kan bu ur Việt Nam lŏ mât nau rêh nau kan, nau ƀư nâp nâl bah nau kan “Me mât bôk”. Tâm rơh tât, rmôt bu ur Việt Nam mĭn ndrel ƀư rêng tay ăp nau kan ân tâm di ma nau ƀư, nau kan geh jao gay ma ndơn kơl an âk tay bu ur, kon se geh nau rêh jêr jŏt geh nau dơi hun hao ân ueh lăng./.