Groi Kruanh dak Võ Thị Ánh Xuân n’hanh Mpôl pah kan mhe tât mpoh su nhang ăp Anh hùng liệt sĩ ta Nghĩa Trang Liệt sỹ Ngih dak Đường 9; Nghĩa trang Liệt sỹ Ngih dak Trường Sơn; nkah nkah ndrăy Tổng Bí thư Lê Duẩn n’hanh Thành cổ Quảng Trị; khâl, an ndơ ăp rnăk dơi kơl ta n’gor Quảng Trị. Ta nar râng, mpoh su nhang ta ăp Nghĩa trang Liệt sĩ, Mpôl pah kan bah Groi Kruanh dak ndrel kruanh n’gor Quảng Trị nkoch nău nkah gĭt jru tât đah ăp Anh hùng liệt sĩ lĕ janh dăng tâm lơh n’hanh roh nting mham yor nău kan mât njrăng neh dak.

Groi Kruanh dak Võ Thị Ánh Xuân lĕ khâl, an ndơ Mê̆ Việt Nam janh dăng Lê Thị Mót ta xă Gio Sơn, nkuăl Gio Linh; khâl rnăk waNguyễn Long Khiếm ta phường 1, nkual ƀon têh Đông Hà; jao an 60 nklâm ndơ an ăp rnăk dơi kơl, Mê̆ Việt Nam janh dăng, rnăk geh soan đah cách mạng ta nkuăl Triệu Phong. Groi Kruanh dak Võ Thị Ánh Xuân đêp rmên chop khâl, nkoch nău nkah gĭt jru tât đah ăp n’hâm soan, roh nting mham bah Mê̆ Việt Nam janh dăng kơt rnăk wâl nuĭh geh soan đah cách mạng n’hanh nuĭh rnăk wâl ăp anh hùng liệt sĩ.