Ôi (14/7), ta nkual ƀon têh Đà Nẵng, Hội Khuyến học Việt Nam ƀư ndơ̆ an học bổng “Nti mô dơi dŭt” tâl 3, an kon se nti n’hanh bu kuâng ta 16 n’gor, nkual ƀon têh miền Trung n’hanh Tây Nguyên geh nău dơi âk tâm kơt nti. Groi Kruanh dak Võ Thị Ánh Xuân, Kruanh dak ơm Nguyễn Xuân Phúc tât râng n’hanh pă an học bổng.

Ta rơh lễ, Ban tổ chức hŏ pă an 250 nklâm học bổng, pă an kon se nti ta 16 n’gor, nkual ƀon têh miền Trung, Tây Nguyên geh nuih n’hâm rlău dơi jêr jŏt nti blău n’hanh bu kuâng geh âk nău dơi ntoh lư tâm kơt nti mbro. Lah ta rơh Lễ pă an học bổng, Groi Kruanh dak Võ Thị Ánh Xuân lah rjăp: Nău kơt nti n’hanh tiăr nti tât dŭt nău rêh lah nău ŭch geh khlay, lah nău ŭch geh bah neh dak đah ăp nuĭh ƀon lan. Trung ương Hội khuyến học Việt Nam ân geh tay âk nău rgop an ntrŭt nsôr kơt nti, ntrŭt nsôr nuĭh gĭt blău, rdâk  njêng nău rêh kơt nti let năp tay.