Ntoh ngơi ta UBND xã Thanh Long, nkuăl Văn Lãng, groi kruanh dak Võ Thị Ánh Xuân kơp dơn, rnê âk nău tâm rnglăp, rlet rlău nău jêr bâh Đảng bộ, n’gâng kan ƀon lan n’gor Lạng Sơn lah nsum nkuăl Văn Lãng lah êng gay ma dơi geh ăp nău dơi khlăy tâm nău hun hao wăng sa- rêh jêng, n’hao nău rêh an ƀon lan.

Groi kruanh dak dăn đă tâm let năp tay, ta ntŭk an geh n’hao nău dơi kan, ngăch ndăn n’hanh ndrel ƀư đah ăp rnoh kan tâm di gay ma dơi geh ăp njoat hăn mhe tâm nău hun hao wăng sa rêh jêng. Di rơh aơ, groi kruanh dak pă an âk nklâm ndơ tât ăp rnăk vâl dơi kơl, rnăk ach o, oh kon se geh nău rêh jêr jŏt ta nkuăl Văn Lãng n’hanh cán bộ, tahen pôih tahen n’har bri Na Hình, nkuăl Văn Lãng. Kêng măng ndrel nar, groi kruanh dak Võ Thị Ánh Xuân lĕ tât khâl, pă ndơ an 200 nuĭh kan, nuĭh pah kan geh nău rêh jêr jŏt ta ntŭk.