Tât aƀaơ, ntŭk kan mât kơl lĕ rgŏ jă ntuh kơl geh rlău 77 rmen prăk. Nchrăp lĕ năm 2023 mbra geh rlău 111 rmen prăk, mât đăp mpăn geh n’hanh rlău đah nău nchrăp geh Hội đồng mât kơl pă an năm 2023.

Bâh nĕ, ntŭk tâm rgop kơl lĕ kơl an bơi tât 114 rbăn oh kon se, prăk kơl an bơi tât 90 rmen prăk. Ta rơh rƀŭn nchră, groi kruanh dak Võ Thị Ánh Xuân, kruanh Hội đồng mât kơl an lah, tâm let năp tay, ta meng ăp nău rơh geh, nău dơh nơih, he an geh tâm rdâng đah âk nău jêr, ntul rlong, pah kan bâh ăp doanh nghiệp hôm nha geh âk nău jêr, tâm rnôk rnoh oh kon se geh nău rêh dŭt jêr an geh mât kơl, kơl an âk lơn. Yor nĕ, ntŭk tâm rgop kơl an geh leo kan, n’hao nău leo kan mbơh tâm rgop đah ăp ntŭk kan Hội đồng bâh ăp nău kan na nê̆.