Ôi 26/1, Groi Kruanh Quốc hội Nguyễn Đức Hải hŏ tât râng bôk nău kan "Tết rŏng kơl nuĭh" – Năm mhe Giáp Thìn năm 2024 ta thị trấn Văn Quan, nkuâl Văn Quan, n’gor Lạng Sơn. Groi kruanh Quốc hội Nguyễn Đức Hải hŏ kơl an 12 nklâm ndơ an ăp rnăk ach o, rnăk dơi kơl râng bôk nău kan “Tết rŏng kơl nuĭh”. Groi kruanh Quốc hội Nguyễn Đức Hải lah rjăp, aơ lah bôk nău kan geh nkô̆ dŭt khlay  n’hanh geh nău rŏng kơl nuĭh jru hvi, njêng dơi nău nkrêp ƀon lan, ndrel nsum ti rêng lam nău tâm rŏng n’hanh nuih n’hâm rŏng nuĭh, nsĭt an ƀon lan mông nar Tết răm mƀak, săk tơm way ơm bah rnoi nuĭh.

Groi Kruanh Quốc hội dăn đă gưl ủy, n’gâng kan n’gor Lạng Sơn bah meng nău rgum rđău đă, nchŏng ƀư an hun hao wăng sa- rêh jêng kon nuĭh uănh khlay tay mât chăm lam rêh jêng kon nuĭh; uănh khlay rđău đă, kan nsum gay bôk nău kan "Tết rŏng kơl nuĭh” dơi mât  tay, an ƀư geh nău tam n’hanh nar lơn ma nsĭt tay an âk nuĭh dơi wơt Tết rhơn mƀak, hơm răm lơn.

Tâm nar 26/1, Groi kruanh Quốc hội Nguyễn Đức Hải hŏ tât khâl, pă kơl 200 nklâm ndơ tât công nhân, nuĭh kan geh nău rêh jêr jŏt ta bôk nău kan "Tết njôm wăr – năm mhe tâm kơl” năm 2024 bah n’gor Lạng Sơn.