Ôi 10/1, Thượng Tướng Trần Quang Phương, Groi Kruanh Quốc hội hŏ tât khâl, mbah rhơn Tết n'hanh râng Bôk nău kan "Hội chợ Tết rŏng nuĭh" ta nkual ƀon têh Đà Nẵng. Hội chợ geh 40 ndrơng ndơ pă an tăch, nkoch n'hơ ăp ndơ geh ƀư dŏng sa khlay tĭng trong ntop kơl rnoh khlay "pă nklâm ndơ- rhơn Tết", tâm nê geh ăp ndơng ndơ “0 đồng”.

Bôk nău kan ntêm an 4.900 phiếu rvăt ndơ pă an ăp rnăk ƀon lan nkual ƀon têh Đà Nẵng geh tât khuch bah trôk nar lơh năm 2022. Groi Kruanh Quốc hội Trần Quang Phương rnê âk ăp đơn vị hŏ ƀư bôk nău kan dŭt n'hâm geh nkô̆ khlay, rŏng nuĭh ntop kơl nuĭh ach o, nău rêh jêr jŏt wơt Tết răm mƀak. Nkhêp geh rnôk dja, Groi kruanh Quốc hội Trần Quang Phương tât khâl, rhơn Tết ăp nhih pah kan, đơn vị Thành ủy, Hội đồng Nhân dân, UBND n'hanh Ủy ban Mặt trận Tổ quốc Việt Nam nkual ƀon têh Đà Nẵng.

VOV/Nuĭh rblang: Điểu Thân