Ôi 16/1, Groi Thủ tướng Chính phủ Trần Hồng Hà ndrel mpôl pah kan Trung ương lĕ tât râng Bôk nău kan “Tết sum vầy-xuân chia sẽ” ta n’gor Kon Tum. Ntoh ngơi ta bôk nău kan “Tết sum vầy-Xuân chia sẻ” an phung pah kan n’hanh rnăk ƀon lan geh nău rêh jêr jŏt bah n’gor Kon Tum, Groi Thủ tướng Chính phủ Trần Hồng Hà njuăl nău chop khâl đêp rmên bah tổng Bí thư Nguyễn Phú Trọng; ăp đồng chí kruanh Đảng, Ngih dak n’hanh nău rŏng ngăn ngên bah êng nuĭh tât đồng chí, ƀon lan đah nău mbah rhơn năm mhe uĕh lăng ngăn.

Rhơn ăp nuĭh, ăp jay geh du nău Tết hơm răm, đăp mpăn, du năm mhe uĕh lăng. Groi Thủ tướng rnê rhơn n’gor Kon Tum lĕ mât uănh an ăp phung pah kan n’hanh rnăk ƀon lan geh nău rêh jêr jŏt di năm mhe Tết tât. Di rơh aơ Groi Thủ tướng Chính phủ Trần hồng Hà ndrel kruanh n’gor Kon Tum lĕ an ndơ Tết an 200 phung pah kan n’hanh 50 rnăk geh nău rêh jêr jŏt đah ăp nklâm ndơ khlay 1 rkeh 300 rbăn prăk.