“Nau ntrŭnh mpeh rnoh neh ân geh ƀư ân ngăn bah ăp nau ntrŭnh hŏ geh ƀư ngăn ân saơ lah nau tâm di, ƀư geh đăp mpăn, ndrel ăp nau ntrŭnh mhe, rgâl ueh tâm Luật neh ntu năm 2024”. Aơ lah nau lah rjăp bah Groi Thủ tướng Trần Hồng Hà tâm rơh rƀŭn trực tuyến lam dak rgop nau mpeh nau nchrăp nau ntrŭnh mpeh rnoh neh. Tĭng nau mbơh N’gâng kan ntŭk ntu gŭ âm, nchrăp nau ntrŭnh jêh rnôk djăt ƀư jêh geh 6 chương, 41 điều ntrŭnh mpeh nau kan nchrăp rnoh neh, nau rgâl, ntop rnoh neh tăch; nau dơi ƀư nau kan mbơh mpeh rnoh neh; ƀư ăp nau kan nchrăp rnoh neh bah ăp nŭih geh njoăl ntrơn tay...

Tâm rnôk rƀŭn, ăp nau rgop rgum tâm nchră mpeh nau ntop nau đă, đăp mpăn nau ntrŭnh mra dơi geh rklaih ăp nau kan ngăn geh nau đă, ŭch geh dơi, ngăn, nơih ƀư, der nau tih. Groi Thủ tướng đă N’gâng kan ntŭk ntu gŭ âm ƀư rjăp nau djăt ăp nau rgop, ơm ƀư jêh nau nchrăp nau ntrŭnh, ngăch leo ăp nau ntrŭnh, ntrong kan mhe, nau rgâl mhe tâm Luật neh ntu năm 2024 tâm nau rêh./.