Groi Thủ tướng Chính phủ Trần Lưu Quang ndơn măt kruanh Đảng, Ngih dak an ndơ ăp rnăk dơi kơl, nuĭh geh soan, rnăk ach o, đoàn viên công đoàn ta lam nkual ƀon têh. Hải Phòng nkhêp Tết Nguyên đán Giáp Thìn 2024. An 500 nklâm ndơ ăp rnăk dơi kơl nuĭh geh soan, rnăk ach o, đoàn viên công đoàn ta lam nkual ƀon têh Hải Phòng, Groi Thủ tướng Trần Lưu Quang uănh lah prêh săk rnglăy hun hao wăng sa-rêh jêng nkual ƀon têh Hải Phòng dơi geh năm bah năp.

Lơn lah, Hải Phòng lah ntŭk geh âk nău ntoh lư tâm nău mât uănh an ăp rnăk dơi kơl, rnăk geh soan đah cách mạng, rnăk ach o n’hanh đoàn viên công đoàn geh nău rêh dŭt jêr jŏt. Di rơh aơ, Liên đoàn lao động nkual ƀon têh Hải Phòng ƀư bôk nău kan “Tết sum vầy-Xuân sẻ chia” an ndơ phung pah kan nkual ƀon têh di rơh Tết Nguyên đán Giáp Thìn. Rlău 350 rbăn nuĭh đoàn viên, pah kan ta Hải Phòng mbra dơi sŏk ndơ bah ăp gưl công đoàn nkual ƀon têh tâm rơh aơ.