Kêng măng 10/8, ta Yên Bái, Groi Thủ tướng Trần Lưu Quang ƀư tơm nar rƀŭn ƀư ăp nau kan bah neh dak nkual mpeh ba lơ. Râng rƀŭn geh ƀư trực tuyến nthoi ma 14 n’gor nkuăl Trung du ndrel nkuăl yôk mpeh ba lơ. Groi Thủ tướng rnê prêh nau ntrŭnh ƀư nau kan ăp bôk nau kan bah neh dak bah ăp n’gor Trung du ndrel nkuăl yôk mpeh Bắc Bộ. Nau ngăn ân saơ ntŭk geh n’gâng kan ƀư rjăp ri ntŭk nê nau kan geh ntrŭnh ngăch ndrel geh nau dơi, ngăn lah tâm nau kan mêt uănh ndrel ƀư ngăn.

Mpeh nau ntrŭnh tơm prăk hŏ geh ntop, Groi Thủ tướng đă ăp n’gor tâm nkuăl hĭ geh ntop pă prăk ân 3 nau kan bah neh dak ân geh ntrŭnh ƀư nkre ndrel pă dŏng tơm prăk lôch năm 2022 ntrơn jêng năm 2023, nsôih geh đê̆ ngăn 90% tơm prăk bah năm 2023. Groi Thủ tướng kŏ đă ăp nkuăl mô ntuh kơl ntop jong ma ân geh rgum ntuh kơl geh nkô̆, geh tơm, tâm rgop ngăn ăp tơm prăk gay ƀư 3 nau kan neh dak, nkre n’hao nau kơt tĭng nti nau tă blau bah ăp nkuăl tâm nau ntrŭnh ƀư./.