Ta Hà Nội, Uỷ ban Dân tộc ƀư tơm, kan nsum ndrel Bộ Giáo dục n’hanh Đào tạo, Trung ương Đoàn Thanh niên cộng sản Hồ Chí Minh ƀư bôk nău kan mpư rnê 143 kon se nti, sinh viên, druh ndăm rnoi mpôl đê̆ ntoh lư tâl 10, năm 2023.

Lah ta rơh lễ mpư rnê, Groi Thủ tướng Trần Lưu Quang an gĭt, Đảng n’hanh ngih dak he êng uănh khlay ntuh kơl hun hao wăng sa-  rêh jêng kon nuĭh nkual rnoi mpôl đê̆ n’hanh mpeh yôk yang; hŏ n’gluh an âk trong nchrăp, trong kơl geh trong jong gay ntrŭt ntrôl nău hun hao bah nkual dja, tâm nê geh trong kan ntĭm nti. Yơn lah, tă bah jâng ntơm dêh ndrel đah jêr jŏt, mpăng đêt geh nău  mha êng jêng nkual rnoi mpôl đê̆ n’hanh mpeh yôk yang nha mô hŏ bah nău mbrơi hun hao đŏng. Yor kơt nê Groi Thủ tướng ŭch rŏng ăp kon se ntik n’hao gay rgop ơm ndơ̆ nkual rnoi mpôl đê̆ n’hanh mpeh yôk yang bah jêr jŏt mbrơi hun hao.