Kêng măng 13/8, Groi Thủ tướng Chính phủ Trần Lưu Quang lĕ râng “Nar rgum Lam ƀon lan mât njrăng rnă njrăng neh dak năm 2023” ta xă Ea Tul, nkuăl Cư M’gar, n’gor Dak Lak. Groi Thủ tướng mpŏng Đảng bộ, N’gâng kan ƀon lan n’hanh nuĭh ƀon lan xă Ea Tul mât uĕh nuih n’hâm tâm rnglăp, nchrăp ntrong leo lam ƀon lan tâm rnglăp đăp mpăn rnă njrăng ta ntŭk, dun n’gang tay nău nsŭk nsôr, phah Đảng, Ngih dak n’hanh ƀư roh tâm rnglăp rnoi nuĭh ta xă lah nsum, n’gor Dak Lak lah êng, gay rgop ndâk njêng đăp mpăn nău rêh jêng, đăp mpăn nău rêh bah nuĭh ƀon lan.

Ta nar rgum, ntoh măt N’gâng kan Công an, ăp gưl nău kan ta Dak Lak  lĕ an bằng khen an âk rmôt, êng nuĭh lĕ geh âk nău kan uĕh ntrong leo lam ƀon lan mât rnă njrăng neh dak ta xă Ea Tul năm bah năp. Groi Thủ tướng Chính phủ lĕ an tât ty âk nklâm ndơ an ăp rnăk dơi kơl, jêr jŏt ta xă.