Mbơh ƀư tay Bôk nău rgop an tâm nchră 1371 bah Thủ tướng Chính phủ lvang 2021-2027, ta xă nkual jru ngai Krông Jing, nkuăl M’Đrăk, n’gor Dak Lak, N’gâng kan Ntĭm rđău Tahen n’gor ƀư “Nkoch trêng mbơh rblang pháp luật năm 2024, tâm nđŭr njroh mprơ-thể thao n’hanh ăp nău ƀư ntop kơl nău rêh jêng kon nuĭh”. Tĭng nĕ, ăp cán bộ tahen N’gâng kan ntĭm rđău Tahen n’gor Dak Lak lĕ ƀư mbơh rblang pháp luật neh ntu năm 2024, Luật căn cước năm 2023, Luật nghĩa vụ Quân sự năm 2019 n’hanh Luật đăp mpăn ntung trong an rlău 2.000 nuĭh kônh wa ta xă Krông Jing, nkuăl M’Đrắk, n’gor Dak Lak.

Ƀư tĭng Bôk nău rgop an tâm nchră 1371 bah Thủ tướng Chính phủ mpeh mât uĕh nău ƀư tơm bah rmôt Tahen ƀon lan râng trong kan mbơh rblang, ntĭm nti pháp luật, rgŏ jă ƀon lan tĭng rjăp pháp luật ta bah dâng lvang 2021-2027, rlău 3 năm bah năp, N’gâng kan ntĭm rđău tahen n’gor Dak Lak lĕ mbơh âk ăp nkô̆ nău tâm bôk nău rgop an tâm nchră ta âk xă, phường, nkuăl têh ta lam n’gor, lơn lah uănh khlay ta ăp xă nkual jru, ngai.