Kêng măng 24/3, Groi Kruanh Hội đồng Dân tộc Trần Thị Hoa Ry hŏ geh rơh pah kan đah UBND n'gor Bạc Liêu mpeh trong kơl hun hao wăng sa mpôl tâm nkual ƀon lan rnoi mpôl đê̆. N'gor Bạc Liêu aƀaơ geh 215 hợp tác xã, (tâm nê, 7 hợp tác xã geh nuĭh rnoi mpôl đê̆ râng mât bôk kan), 2 Liên hiệp hợp tác xã n'hanh 515 rmôt tâm boh.  UBND n'gor Bạc Liêu dăn đă Mpôl pah kan Hội đồng Dân tộc bah Quốc hội gŭ mĭn, nsŏng kơl Quốc hội rgâl nkra Luật Hợp tác xã tĭng trong lôch jêh ăp tŏng lam lĕ rngôch ăp trong ntop kơl hợp tác xã an tâm di đah nô nău ngăn geh bah ăp rơh hun hao.

Lah n'glôch jêh rơh pah kan, Groi kruanh Hội đồng Dân tộc bah Quốc hội Trần Thị Hoa Ry dăn đă UBND n'gor Bạc Liêu rđău đă ăp n'gâng kan tâm n'gor, nhih pah kan way kan rgum nău rgop, rgop nău tâm trong nchrăp Luật hợp tác (rgâl nkra), tâm nê njrăng uănh khlay tât ăp trong kơl hun hao wăng sa mpôl nkual rnoi mpôl đê̆  gay trong nchrăp Luật hợp tác xã (rgâl nkra) ơm dơi ƀư lôch jêh, hao mbơh dăn Quốc hội tâm rơh hop tât.