Ôi 30/9, ta Hà Nội, Văn phòng Kruanh dak kan nsum đah Bộ Công an n’hanh ăp nhih pah kan geh tât ƀư Họp báo mbơh nău n’glêh an luh ndrung ơm năm 2024 bah Kruanh dak. Tĭng nău n’glêh an luh ndrung ơm năm 2024 bah Kruanh dak mhe dơi mbơh, Kruanh dak n’glêh an luh ndrung ơm an 3.763 nuĭh tih dôl gŭ ndrung n’hanh 7 nuĭh dôl manh an rlu gŭ ndrung, geh nău dơi an  luh ndrung ơm năm 2024.

An luh ndrung ơm mô geh nău tâm koh rong đah ăp nuĭh tih, bol ma nuĭh tih gŭ ndrung nuĭh Việt Nam mô lah nuĭh tih gŭ ndrung nuĭh dak bah dih. Ăp nuĭh tih dơi an luh gŭ ndrung ơm bah năm nar ton năm aơ nha hôm tĭng jăp ăp tŏng nău rmal kơi ntop tay tĭng di quy định bah pháp luật đŏng kơt: mpăng dơn ƀư kruanh, mpăng rsong hăn ngai, rmal prăk, trok tâm khuch khat, nău way nuĭh ƀon lan êng ƀa ƀă v.v.