UBND n’gor Kon Tum mhe ân ƀư Bôk nau kan kơl an ngih gŭ ân 876 rnăk ach o ndrel êp ach o dôl têh tâm 3 nkuăl ăch o bah n’gor đah rnoh prăk rlau 32,6 rmen. Ntơm rnôk aơ tât năm 2025 n’gor Kon Tum mra kơl an 876 rnăk ach o ndrel êp ach o (ngăn lah nŭih rnoi mpôl đê̆) ƀư ngih gŭ. Mpeh rnoh kơl an, đah nŭih ndâk ngih mhe geh kơl 44 rkeh/rnăk, tâm nê, 40 rkeh tă bah tơm prăk Trung ương ndrel 4 rkeh lah prăk bah ăp gưl nkuăl.

Lah nkra ngih ân nâp geh kơl an 22 rkeh, tâm nê tơm prăk Trung ương 22 rkeh ndrel tơm prăk bah nkuăl lah 2 rkeh. N’gor Kon Tum ndŏ nkô̆ nau lôch năm 2025 mra ƀư jêh nau kơl an ngih ân 876 rnăk ach o ndrel êp ach o. Êng tâm năm 2023 n’gor nchrăp mra ƀư nau kơl an 530 rnăk ach o, êp ach o ƀư ngih, tâm nê ndâk mhe 357 ngih ndrle nkra nâp 171 ngih./.