Gay ma mât đăp mpăn nuĭh ƀon lan geh Tết, ta rơh tết Nguyên đán Giáp Thìn năm aơ, n’gor Kon Tum lĕ nsrôih pă tơm prăk ngih dak rlău 8 rmen prăk kơl an bơi tât 16.800 rnăk ƀon lan ta rnoh rnăk ach o n’hanh dăch ach o.

Tĭng nĕ, rnoh kơl an ăp rnăk ach o lah 600 rbăn prăk n’hanh rnăk dăch ach o lah 300 rbăn prăk. Rlău ma ne Liên đoàn Lao động n’gor Kon Tum lĕ pă an 2.700 nklâm ndơ, du nklâm rnoh khlăy 500 rbăn prăk an đoàn viên, nuĭh pah kan geh nău rêh jêr jŏt. Ndrel đah nĕ tâm ăp nar aơ ta Kon Tum, âk nău kan mât kơl Tết an nuĭh ƀon lan, ngăn la ƀon lan ta nkual njônh ngai, n’har bri dôl geh ăp gâl kan n’gâng kan, ntŭk kan n’gâng kan nsrôih mbơh ƀư.