Đah nkô̆ “Bah nuih n’hâm ăp nuĭh he nsum suan rdâk njêng mpôl gŭ rêh rŏng nuĭh”, ôi (15/5), ta nkual ƀon têh Kon Tum, Hội Chữ thập đỏ n’gor Kon Tum ƀư rơh rgŏ jă Khay kơl rŏng nuĭh năm 2023, nkah ndray 160 năm njêng luh mpôl kan Chữ thập đỏ n’hanh Trăng lưỡi liềm đỏ quốc tế.

Tâm khay rŏng nuĭh năm 2023, Hội chữ Thập đỏ n’gor Kon Tum nsrôih ntop kơl bah 2.000 tât 3.000 tơ̆ nuĭh geh nău rêh jêr jŏt; rdâk njêng ndơ dŏng kơl nuĭh rnoh khlay 150 rkeh prăk; rdâk njêng 10 mblâm jay Chữ thập đỏ rnoh khlay ntơm bah 300 rkeh prăk let lơ; nkoch trêng na nê̆ n’hanh mbơh nti an 1.000 tơ̆ nuĭh mpeh nău ŭch, nkô̆ khlay nău yur êng mham. Lah ta rơh rgŏ jă- Khay rŏng nuĭh năm 2023, wa Y Ngọc, Groi kruanh UBND n’gor Kon Tum rnê âk Hội chữ Thập đỏ ăp gưl tâm Khay kơl rŏng nuĭh năm 2022 hŏ rgum geh bơi 6 rmen prăk ntop kơl rlău 11.800 tơ̆ nuĭh geh nău rêh jêr jŏt.