Nkhêp geh Tết Nguyên đán Quỹ Mão 2023, Kruanh Ban Kinh tế Trung ương Trần Tuấn Anh hŏ khâl, mbah rhơn tết n'gor Hà Giang.

Wa Trần Tuấn Anh n'hanh mpôl pah kan hŏ tât mpoh nhang ta ndah rup nkah gĭt ăp tahen ơm dăng janh ta chông mprêh 468, mpeh thôn Nậm Ngặt, xã Thanh Thủy, nkuâl Vị Xuyên; khâl, pă nklâm ndơ cán bộ, tahen Mpôl wăng sa njrăng n'gang neh dak 313; khâl, pă nklâm ndơ, cán bộ tahen Pôih mpông n'har bri Thanh Thủy; pă nklâm ndơ an rnăk ach o, rnăk dơi kơl; công nhân nuĭh kan geh nău rêh jêr jŏt. Wa Trần Tuấn Anh nchih nkah ăp nău dơi geh khlay bah Mpôl  wăng sa njrăng n'gang neh dak 313, đah nău dơn kan rgŏ jă, rdâk njêng ntŭk kan chính trị, râng hun hao wăng sa- rêh jêng kon nuĭh nkre đah mât đăp mpăn rnă njrăng ta ăp nkual wăng sa tahen bah Quân khu hŏ geh âk nău dơi ntoh lư, rgop tâm nău hun hao nsum bah lam dak.  

VOV/Nuĭh rblang: Điểu Thân