Ôi nđaơ, (2/7), ta nkual ƀon têh Cần Thơ, Kruanh Quốc hội Trần Tanh Mẫn n’hanh Mpôl pah kan lĕ khâl, an ndơ rnăk dơi kơl, nuĭh geh soan cách mang ntoh lư  nkhêp di nkah gĭt 77 năm nar thương binh liệt sỹ. Ndơn măt kruanh đảng, ngih dak, Quốc hội, Kruanh Quốc hội Trần Thanh Mẫn njuăl tât Mê̆ Việt Nam janh dănmg, rnăk wâl nuĭh geh soan đah neh dak nău mbah rhơn soih dăng lăng ngăch, uĕh lăng.

Tă bah nău mbơh bah kruanh nkual ƀon têh Cần Thơ, Kruanh Quốc hội uănh lah prêh nău ăp năm nkual ƀon têh Cần Thơ lĕ dŭt uănh tât, mât uanh rnăk wâl dơi kơl lĕ rgŏ jă 9,4 rmen prăk an mât uănh rnăl wâl dơi kơl. Tâm năm tât, Kruanh Quốc hội Trần Thanh Mẫn đă, Nkual ƀon têh n’hao ƀư tĭng nău ntĭm đă mrô 14 bah Ban Bí thư mpeh n’hao trong kan ntĭm rđău bah đảng đah trong kan nuĭh geh soan đah cách mạng gay ăp nău kơl bah Đảng n’hanh ngih dak dơi ƀư tŏng ăp đah nuĭh geh soan. Ta aơ, Kruanh Quốc hội Trần Thanh Mẫn n’hanh Mpôl pah kan lĕ jao an 50 nklâm ndơ an ăp Mê̆ Việt Nam janh dăng, rnăk wâl dơi kơl, nuĭh geh soan ntoh lư.