Nkhêp di nkah gĭt 77 năm nar Thương binh-Liệt sĩ (27/7/1947-27/7/2024), kêng măng aơ, ta Ntŭk kruanh dak, Kruanh dak Tô Lâm mâp măt đêp rmên Mpôl đại biểu nuĭh geh soan đah cách mạng ntoh lư lam dak; ăp Mê̆ Việt Nam Janh dăng, Anh hùng lực lượng vũ trang nhân dân, Anh hùng lao động n’hanh rnăk wâl tahen lĕ khĭt. Ta nar mâp măt, Kruanh dak Tô Lâm nkoch nău ryơk nkah gĭt tât ăp nuĭh jăng dăng, tahen lĕ khĭt, ƀon lan, tahen lĕ roh yor neh dak;

njuăl tât ăp Mê̆ Việt Nam janh dăng, ăp đồng chí tahen ơm, tahen sôt rmanh, rnăk wâl tahen lĕ khĭt n’hanh ăp đại biểu nău ôp khâl ngăn ngên, ăp nău rŏng têh jru n’hanh nuih n’hâm nkah gĭt hô ngăn. Kruanh dak đă ăp gưl ủy Đảng, n’gâng kan ƀon lan mkra uĕh tay ăp trong ƀư, nău kơl ngăn lah trong kan mkra nău khuch jêh tâm lơh tâm su, joi, rgum môch tahen, ăp nău nuĭh geh soan hôm e mô tŏng, mô lah mô hŏ geh nău kơl tŏng ăp; uănh mĭn rgâl nău rêh, mât uănh săk soan nuĭh ndrô ranh, mô geh ntŭk nsing nơm.