Ôi 19/7, Kruanh dak Võ Văn Thưởng ndrel kruanh rđău kan Đảng n’hanh Nhih dak hŏ tât an kao si, mpoh nhang nkah gĭt ăp tahen ơm khĭt tâm lơh ta Côn Đảo.

Đah nuih n’hâm chŭn mbah n’hanh nkah gĭt dŭt n’hâm tât đah tahen ơm, tahen cách mạng, ƀon lan rŏng dak hŏ chôt khĭt ta Côn Đảo, tâm mông nar huêng khlay n’hanh rngot nkah, Kruanh dak Võ Văn Thưởng ndrel mpôl đại biểu hŏ n’hơr an kao si nkah gĭt bah năp môch bah Tổng Bí thư Lê Hồng Phong, nuĭh rŏng dak Nguyễn An Ninh, tahen dăng janh Võ Thị Sáu..., chŭn mbah nkah gĭt ăp nuĭh kon ntoh lư bah rnoi nuĭh hŏ n’groh săk an neh dak. Kruanh dak Võ Văn Thưởng hŏ tăm tơm si nkah tâm jâng gung Nghĩa trang Hàng Dương. Lôch mpoh nhang, Kruanh dak Võ Văn Thưởng n’hanh ăp đại biểu hŏ râng Lễ nkah nar phan ăp tahen cách mạng n’hanh ƀon lan rŏng dak hŏ roh ta Côn Đảo, mpoh nhang bah năp ndah rup nchih săk 2.284 tahen ơm khĭt ta Đền thờ Côn Đảo.